paTTin2appAlai

Paṭṭiṉappālai (301 lines)

((Originally extracted from master file ^10PATTU.OCP))
((Last updated on 2004 April 15th))

{paṭṭi-1} vacai il pukaḻ vayaṅku veṇmīṉ
{paṭṭi-2} ticai tirintu teṟku ēkiṉum
{paṭṭi-3} taṉ pāṭiya taḷi uṇaviṉ
{paṭṭi-4} puḷ tēmpa puyal māṟi
{paṭṭi-5} vāṉ poyppiṉum tāṉ poyyā
{paṭṭi-6} malai talaiya kaṭal kāviri
{paṭṭi-7} puṉal parantu poṉ koḻikkum
{paṭṭi-8} viḷaivu aṟā viyaṉ kaḻaṉi
{paṭṭi-9} kār karumpiṉ kamaḻ ālai
{paṭṭi-10} tīm teṟuviṉ kaviṉ vāṭi
{paṭṭi-11} nīr ceṟuviṉ nīḷ neytal
{paṭṭi-12} pū cāmpum pulattu āṅkaṇ
{paṭṭi-13} kāy cennel katir aruntu
{paṭṭi-14} mōṭṭu erumai muḻu kuḻavi
{paṭṭi-15} kūṭṭu niḻal tuyil vatiyum
{paṭṭi-16} kōḷ teṅkiṉ kulai vāḻai
{paṭṭi-17} kāy kamukiṉ kamaḻ mañcaḷ
{paṭṭi-18} iṉam māviṉ iṇar peṇṇai
{paṭṭi-19} mutal cēmpiṉ muḷai iñci
{paṭṭi-20} akal nakar viyal muṟṟattu
{paṭṭi-21} cuṭar nutal maṭam nōkkiṉ
{paṭṭi-22} nēr iḻai makaḷir uṇaṅku uṇā kavarum
{paṭṭi-23} kōḻi eṟinta koṭum kāl kaṉam kuḻai
{paṭṭi-24} poṉ kāl putalvar puravi iṉṟu uruṭṭum
{paṭṭi-25} mu kāl ciṟu tēr muṉ vaḻi vilakkum
{paṭṭi-26} vilaṅku pakai allatu kalaṅku pakai aṟiyā
{paṭṭi-27} koḻum pal kuṭi ceḻum pākkattu
{paṭṭi-28} kuṟum pal ūr neṭum cōṇāṭṭu
{paṭṭi-29} veḷḷai uppiṉ koḷḷai cāṟṟi
{paṭṭi-30} nelloṭu vanta val vāy paḵṟi
{paṭṭi-31} paṇai nilai puraviyiṉ aṇai mutal piṇikkum
{paṭṭi-32} kaḻi cūḻ paṭappai kali yāṇar
{paṭṭi-33} poḻil puṟaviṉ pū taṇṭalai
{paṭṭi-34} maḻai nīṅkiya mā vicumpil
{paṭṭi-35} mati cērnta makam veḷ mīṉ
{paṭṭi-36} uru keḻu tiṟal uyar kōṭṭattu
{paṭṭi-37} muruku amar pū muraṇ kiṭakkai
{paṭṭi-38} vari aṇi cuṭar vāṉ poykai
{paṭṭi-39} iru kāmattu iṇai ēri
{paṭṭi-40} puli poṟi pōr kataviṉ
{paṭṭi-41} tiru tuñcum tiṇ kāppiṉ
{paṭṭi-42} pukaḻ nilaiiya moḻi vaḷara
{paṭṭi-43} aṟam nilaiiya akal aṭṭil
{paṭṭi-44} cōṟu vākkiya koḻum kañci
{paṭṭi-45} yāṟu pōla parantu oḻuki
{paṭṭi-46} ēṟu pora cēṟu āki
{paṭṭi-47} tēr ōṭa tukaḷ keḻumi
{paṭṭi-48} nīṟu āṭiya kaḷiṟu pōla
{paṭṭi-49} vēṟupaṭṭa viṉai ōvattu
{paṭṭi-50} veḷ kōyil mācu ūṭṭum
{paṭṭi-51} taṇ kēṇi takai muṟṟattu
{paṭṭi-52} pakaṭṭu eruttiṉ pala cālai
{paṭṭi-53} tavam paḷḷi tāḻ kāviṉ
{paṭṭi-54} avir caṭai muṉivar aṅki vēṭkum
{paṭṭi-55} āvuti naṟum pukai muṉaii kuyil tam
{paṭṭi-56} mā irum peṭaiyōṭu iriyal pōki
{paṭṭi-57} pūtam kākkum pukal arum kaṭi nakar
{paṭṭi-58} tūtu uṇ am puṟavoṭu tuccil cēkkum
{paṭṭi-59} mutu maratta muraṇ kaḷari
{paṭṭi-60} vari maṇal akal tiṭṭai
{paṭṭi-61} irum kiḷai iṉaṉ okkal
{paṭṭi-62} karum toḻil kali mākkaḷ
{paṭṭi-63} kaṭal iṟaviṉ cūṭu tiṉṟu um
{paṭṭi-64} vayal āmai puḻukku uṇṭu um
{paṭṭi-65} vaṟaḷ aṭumpiṉ malar malaintu um
{paṭṭi-66} puṉal āmpal pū cūṭi um
{paṭṭi-67} nīl niṟam vicumpiṉ valaṉ ērpu tiritarum
{paṭṭi-68} nāḷmīṉ virāaya kōḷmīṉ pōla
{paṭṭi-69} malar talai maṉṟattu palar uṭaṉ kuḻīi
{paṭṭi-70} kaiyiṉum kalattiṉum mey uṟa tīṇṭi
{paṭṭi-71} perum ciṉattāl puṟakkoṭāatu
{paṭṭi-72} irum ceruviṉ ikal moympiṉōr
{paṭṭi-73} kal eṟiyum kavaṇ verīi
{paṭṭi-74} puḷ iriyum pukar pōntai
{paṭṭi-75} paṟaḻ paṉṟi pal kōḻi
{paṭṭi-76} uṟai kiṇaṟṟu puṟam cēri
{paṭṭi-77} mēḻaka takaroṭu cival viḷaiyāṭa
{paṭṭi-78} kiṭuku niraittu eḵku ūṉṟi
{paṭṭi-79} naṭu kalliṉ araṇ pōla
{paṭṭi-80} neṭum tūṇṭilil kāḻ cērttiya
{paṭṭi-81} kuṟum kūrai kuṭi nāppaṇ
{paṭṭi-82} nilavu aṭainta iruḷ pōla
{paṭṭi-83} valai uṇaṅkum maṇal muṉṟil
{paṭṭi-84} vīḻ tāḻai tāḷ tāḻnta
{paṭṭi-85} veḷ kūtāḷattu taṇ pūm kōtaiyar
{paṭṭi-86} ciṉai cuṟaviṉ kōṭu naṭṭu
{paṭṭi-87} maṉai cērttiya val aṇaṅkiṉāṉ
{paṭṭi-88} maṭal tāḻai malar malaintu um
{paṭṭi-89} piṇar peṇṇai piḻi makiḻntu um
{paṭṭi-90} puṉ talai irum paratavar
{paṭṭi-91} paim taḻai mā makaḷiroṭu
{paṭṭi-92} pāy irum paṉi kaṭal vēṭṭam cellātu
{paṭṭi-93} uvavu maṭintu uṇṭu āṭi um
{paṭṭi-94} pulavu maṇal pūm kāṉal
{paṭṭi-95} mā malai aṇainta koṇmū pōla um
{paṭṭi-96} tāy mulai taḻuviya kuḻavi pōla um
{paṭṭi-97} tēṟu nīr puṇariyōṭu yāṟu talaimaṇakkum
{paṭṭi-98} mali ōtattu oli kūṭal
{paṭṭi-99} tītu nīṅka kaṭal āṭi um
{paṭṭi-100} mācu pōka puṉal paṭintu um
{paṭṭi-101} alavaṉ āṭṭi um uravu tirai uḻakki um
{paṭṭi-102} pāvai cūḻntu um pal poṟi maruṇṭu um
{paṭṭi-103} akalā kātaloṭu pakal viḷaiyāṭi
{paṭṭi-104} peṟaṟku arum tol cīr tuṟakkam ēykkum
{paṭṭi-105} poyyā marapiṉ pū mali perum tuṟai
{paṭṭi-106} tuṇai puṇarnta maṭam maṅkaiyar
{paṭṭi-107} paṭṭu nīkki tukil uṭuttu um
{paṭṭi-108} maṭṭu nīkki matu makiḻntu um
{paṭṭi-109} maintar kaṇṇi makaḷir cūṭa um
{paṭṭi-110} makaḷir kōtai maintar malaiya um
{paṭṭi-111} neṭum kāl māṭattu oḷ eri nōkki
{paṭṭi-112} koṭum timil paratavar kurūu cuṭar eṇṇa um
{paṭṭi-113} pāṭal ōrttu um nāṭakam nayantu um
{paṭṭi-114} veḷ nilaviṉ payaṉ tuyttu um
{paṭṭi-115} kaṇ aṭaiiya kaṭai kaṅkulāṉ
{paṭṭi-116} māa kāviri maṇam kūṭṭum
{paṭṭi-117} tū ekkar tuyil maṭintu
{paṭṭi-118} vāl iṇar maṭal tāḻai
{paṭṭi-119} vēl āḻi viyaṉ teruvil
{paṭṭi-120} nal iṟaivaṉ poruḷ kākkum
{paṭṭi-121} tol icai toḻil mākkaḷ
{paṭṭi-122} kāy ciṉatta katir celvaṉ
{paṭṭi-123} tēr pūṇṭa māa pōla
{paṭṭi-124} vaikal toṟum acaivu iṉṟi
{paṭṭi-125} ulku ceya kuṟai paṭātu
{paṭṭi-126} vāṉ mukanta nīr malai poḻiya um
{paṭṭi-127} malai poḻinta nīr kaṭal parappa um
{paṭṭi-128} māri peyyum paruvam pōla
{paṭṭi-129} nīriṉiṉṟu um nilattu ēṟṟa um
{paṭṭi-130} nilattiṉiṉṟu nīr parappa um
{paṭṭi-131} aḷantu aṟiyā pala paṇṭam
{paṭṭi-132} varampu aṟiyāmai vantu īṇṭi
{paṭṭi-133} arum kaṭi perum kāppiṉ
{paṭṭi-134} vali uṭai val aṇaṅkiṉ nōṉ
{paṭṭi-135} puli poṟittu puṟam pōkki
{paṭṭi-136} mati niṟainta mali paṇṭam
{paṭṭi-137} poti mūṭai pōr ēṟi
{paṭṭi-138} maḻai āṭu cimaiya māl varai kavāaṉ
{paṭṭi-139} varai āṭu varuṭai tōṟṟam pōla
{paṭṭi-140} kūr ukir ñamali koṭum tāḷ ēṟṟai
{paṭṭi-141} ēḻaka takarōṭu ukaḷum muṉṟil
{paṭṭi-142} kuṟum toṭai neṭum paṭikkāl
{paṭṭi-143} koṭum tiṇṇai pal takaippiṉ
{paṭṭi-144} puḻai vāyil pōku iṭaikaḻi
{paṭṭi-145} maḻai tōyum uyar māṭattu
{paṭṭi-146} cē aṭi ceṟi kuṟaṅkiṉ
{paṭṭi-147} pācu iḻai pakaṭṭu alkul
{paṭṭi-148} tūcu uṭai tukir mēṉi
{paṭṭi-149} mayil iyal māṉ nōkkiṉ
{paṭṭi-150} kiḷi maḻalai mel cāyalōr
{paṭṭi-151} vaḷi nuḻaiyum vāy porunti
{paṭṭi-152} ōṅku varai maruṅkiṉ nuṇ tātu uṟaikkum
{paṭṭi-153} kāntaḷ am tuṭuppiṉ kavi kulai aṉṉa
{paṭṭi-154} ceṟi toṭi muṉkai kūppi cevvēḷ
{paṭṭi-155} veṟi āṭu makaḷiroṭu ceṟiya tāay
{paṭṭi-156} kuḻal akava yāḻ murala
{paṭṭi-157} muḻavu atira muracu iyampa
{paṭṭi-158} viḻavu aṟā viyal āvaṇattu
{paṭṭi-159} mai aṟu ciṟappiṉ teyvam cērttiya
{paṭṭi-160} malar aṇi vāyil palar toḻu koṭi um
{paṭṭi-161} varu puṉal tanta veḷ maṇal kāṉ yāṟṟu
{paṭṭi-162} uru keḻu karumpiṉ oḷ pū pōla
{paṭṭi-163} kūḻ uṭai koḻu mañcikai
{paṭṭi-164} tāḻ uṭai taṇ paṇiyattu
{paṭṭi-165} vāl arici pali citaṟi
{paṭṭi-166} pāku ukutta pacu meḻukkiṉ
{paṭṭi-167} kāḻ ūṉṟiya kavi kiṭukiṉ
{paṭṭi-168} mēl ūṉṟiya tukil koṭi um
{paṭṭi-169} pal kēḷvi tuṟaipōkiya
{paṭṭi-170} tol āṇai nal āciriyar
{paṭṭi-171} uṟaḻ kuṟittu eṭutta uru keḻu koṭi um
{paṭṭi-172} veḷil iḷakkum kaḷiṟu pōla
{paṭṭi-173} tīm pukār tirai muṉtuṟai
{paṭṭi-174} tūṅku nāvāy tuvaṉṟu irukkai
{paṭṭi-175} micai kūmpiṉ nacai koṭi um
{paṭṭi-176} mīṉ taṭintu viṭakku aṟuttu
{paṭṭi-177} ūṉ porikkum oli muṉṟil
{paṭṭi-178} maṇal kuvaii malar citaṟi
{paṭṭi-179} palar puku maṉai pali putaviṉ
{paṭṭi-180} naṟavu noṭai koṭiyōṭu
{paṭṭi-181} piṟa piṟa um naṉi viraii
{paṭṭi-182} pal vēṟu uruviṉ patākai nīḻal
{paṭṭi-183} cel katir nuḻaiyā ceḻu nakar varaippiṉ
{paṭṭi-184} cellā nal icai amarar kāppiṉ
{paṭṭi-185} nīriṉ vanta nimir pari puravi um
{paṭṭi-186} kāliṉ vanta karum kaṟi mūṭai um
{paṭṭi-187} vaṭa malai piṟanta maṇi um poṉ um
{paṭṭi-188} kuṭa malai piṟanta āram um akil um
{paṭṭi-189} teṉ kaṭal muttu um kuṇa kaṭal tukir um
{paṭṭi-190} kaṅkai vāri um kāviri payaṉ um
{paṭṭi-191} īḻattu uṇavu um kāḻakattu ākkam um
{paṭṭi-192} ariya um periya um neriya īṇṭi
{paṭṭi-193} vaḷam talai mayaṅkiya naṉam talai maṟukiṉ
{paṭṭi-194} nīr nāppaṇ um nilattiṉ mēl um
{paṭṭi-195} ēmāppa iṉitu tuñci
{paṭṭi-196} kiḷai kalittu pakai pēṇātu
{paṭṭi-197} valaiñar muṉṟil mīṉ piṟaḻa um
{paṭṭi-198} vilaiñar kurampai mā īṇṭa um
{paṭṭi-199} kolai kaṭintu um kaḷavu nīkki um
{paṭṭi-200} amarar pēṇi um āvuti arutti um
{paṭṭi-201} nal āṉoṭu pakaṭu ōmpi um
{paṭṭi-202} nāṉ maṟaiyōr pukaḻ parappi um
{paṭṭi-203} paṇṇiyam aṭṭi um pacum patam koṭuttu um
{paṭṭi-204} puṇṇiyam muṭṭā taṇ niḻal vāḻkkai
{paṭṭi-205} koṭu mēḻi nacai uḻavar
{paṭṭi-206} neṭu nukattu pakal pōla
{paṭṭi-207} naṭuvu niṉṟa nal neñciṉōr
{paṭṭi-208} vaṭu añci vāymoḻintu
{paṭṭi-209} tama um piṟa um oppa nāṭi
{paṭṭi-210} koḷvatū um mikai koḷātu koṭuppatū um kuṟai koṭātu
{paṭṭi-211} pal paṇṭam pakarntu vīcum
{paṭṭi-212} tol koṇṭi tuvaṉṟu irukkai
{paṭṭi-213} pal āyamoṭu pati paḻaki
{paṭṭi-214} vēṟu vēṟu uyarnta mutu vāy okkal
{paṭṭi-215} cāṟu ayar mūtūr ceṉṟu tokkāṅku
{paṭṭi-216} moḻi pala perukiya paḻi tīr tēettu
{paṭṭi-217} pulam peyar mākkaḷ kalantu iṉitu uṟaiyum
{paṭṭi-218} muṭṭā ciṟappiṉ paṭṭiṉam peṟiṉum
{paṭṭi-219} vār irum kūntal vayaṅku iḻai oḻiya
{paṭṭi-220} vārēṉ vāḻiya neñcu ē kūr ukir
{paṭṭi-221} koṭuvari kuruḷai kūṭṭu uḷ vaḷarntāṅku
{paṭṭi-222} piṟar piṇi akattu iruntu pīṭu kāḻ muṟṟi
{paṭṭi-223} arum karai kaviya kutti kuḻi koṉṟu
{paṭṭi-224} perum kai yāṉai piṭi pukkāṅku
{paṭṭi-225} nuṇṇitiṉ uṇara nāṭi naṇṇār
{paṭṭi-226} ceṟivu uṭai tiṇ kāppu ēṟi vāḷ kaḻittu
{paṭṭi-227} uru keḻu tāyam ūḻiṉ eyti
{paṭṭi-228} peṟṟavai makiḻtal ceyyāṉ ceṟṟōr
{paṭṭi-229} kaṭi araṇ tolaitta katavu kol maruppiṉ
{paṭṭi-230} muṭi uṭai karum talai puraṭṭum muṉ tāḷ
{paṭṭi-231} ukir uṭai aṭiya ōṅku eḻil yāṉai
{paṭṭi-232} vaṭi maṇi puraviyoṭu vayavar vīḻa
{paṭṭi-233} peru nal vāṉattu paruntu ulāy naṭappa
{paṭṭi-234} tūṟu ivar tuṟukal pōla pōr vēṭṭu
{paṭṭi-235} vēṟu pal pūḷaiyoṭu uḻiñai cūṭi
{paṭṭi-236} pēy kaṇ aṉṉa piḷiṟu kaṭi muracam
{paṭṭi-237} mā kaṇ akal aṟai atirvaṉa muḻaṅka
{paṭṭi-238} muṉai keṭa ceṉṟu muṉ camam murukki
{paṭṭi-239} talai tava ceṉṟu taṇ paṇai eṭuppi
{paṭṭi-240} veḷ pū karumpoṭu cennel nīṭi
{paṭṭi-241} mā itaḻ kuvaḷaiyoṭu neytal um mayaṅki
{paṭṭi-242} karāam kalitta kaṇ akal poykai
{paṭṭi-243} koḻum kāl putavamoṭu cerunti nīṭi
{paṭṭi-244} ceṟu um vāvi um mayaṅki nīr aṟṟu
{paṭṭi-245} aṟu kōṭṭu iralaiyoṭu māṉ piṇai ukaḷa um
{paṭṭi-246} koṇṭi makaḷir uṇ tuṟai mūḻki
{paṭṭi-247} anti māṭṭiya nantā viḷakkiṉ
{paṭṭi-248} malar aṇi meḻukkam ēṟi palar toḻa
{paṭṭi-249} vampalar cēkkum kantu uṭai potiyil
{paṭṭi-250} paru nilai neṭum tūṇ olka tīṇṭi
{paṭṭi-251} peru nal yāṉaiyoṭu piṭi puṇarntu uṟaiya um
{paṭṭi-252} aru vilai naṟum pū tūuy teruvil
{paṭṭi-253} mutu vāy kōṭiyar muḻavoṭu puṇarnta
{paṭṭi-254} tiri puri narampiṉ tīm toṭai ōrkkum
{paṭṭi-255} peru viḻā kaḻinta pēem mutir maṉṟattu
{paṭṭi-256} ciṟu pū neruñciyōṭu aṟukai pampi
{paṭṭi-257} aḻal vāy ōri añcuvara katirppa um
{paṭṭi-258} aḻu kural kūkaiyōṭu āṇṭalai viḷippa um
{paṭṭi-259} kaṇam koḷ kūḷiyoṭu katuppu ikuttu acaii
{paṭṭi-260} piṇam tiṉ yākkai pēy makaḷ tuvaṉṟa um
{paṭṭi-261} koṭum kāl māṭattu neṭum kaṭai tuvaṉṟi
{paṭṭi-262} viruntu uṇṭu āṉā perum cōṟṟu aṭṭil
{paṭṭi-263} oḷ cuvar nal il uyar tiṇai iruntu
{paṭṭi-264} paim kiḷi miḻaṟṟum pāl ār ceḻu nakar
{paṭṭi-265} toṭutōl aṭiyar tuṭi paṭa kuḻīi
{paṭṭi-266} koṭu vil eyiṉar koḷḷai uṇṭa
{paṭṭi-267} uṇavu il vaṟum kūṭṭu uḷ akattu iruntu
{paṭṭi-268} vaḷai vāy kūkai naṉpakal kuḻaṟa um
{paṭṭi-269} arum kaṭi varaippiṉ ūr kaviṉ aḻiya
{paṭṭi-270} perum pāḻ ceytu um amaiyāṉ maruṅku aṟa
{paṭṭi-271} malai akaḻkkuvaṉ ē kaṭal tūrkkuvaṉ ē
{paṭṭi-272} vāṉ vīḻkkuvaṉ ē vaḷi māṟṟuvaṉ eṉa
{paṭṭi-273} tāṉ muṉṉiya tuṟaipōkaliṉ
{paṭṭi-274} pal oḷiyar paṇipu oṭuṅka
{paṭṭi-275} tol aruvāḷar toḻil kēṭpa
{paṭṭi-276} vaṭavar vāṭa kuṭavar kūmpa
{paṭṭi-277} teṉṉavaṉ tiṟal keṭa cīṟi maṉṉar
{paṭṭi-278} maṉ eyil katuvum mataṉ uṭai nōṉ tāḷ
{paṭṭi-279} mā tāṉai maṟam moympiṉ
{paṭṭi-280} ce kaṇṇāl ceyirttu nōkki
{paṭṭi-281} puṉ potuvar vaḻi poṉṟa
{paṭṭi-282} iruṅkōvēḷ maruṅku cāya
{paṭṭi-283} kāṭu koṉṟu nāṭu ākki
{paṭṭi-284} kuḷam toṭṭu vaḷam perukki
{paṭṭi-285} piṟaṅku nilai māṭattu uṟantai pōkki
{paṭṭi-286} kōyiloṭu kuṭi niṟīi
{paṭṭi-287} vāyiloṭu puḻai amaittu
{paṭṭi-288} ñāyil toṟum putai niṟīi
{paṭṭi-289} poruvēm eṉa peyar koṭuttu
{paṭṭi-290} oruvēm eṉa puṟakkoṭātu
{paṭṭi-291} tiru nilaiiya peru maṉ eyil
{paṭṭi-292} miṉ oḷi eṟippa tam oḷi maḻuṅki
{paṭṭi-293} vici piṇi muḻaviṉ vēntar cūṭiya
{paṭṭi-294} pacu maṇi poruta paru ēr eṟuḻ kaḻal kāl
{paṭṭi-295} poṉ toṭi putalvar ōṭi āṭa um
{paṭṭi-296} muṟṟu iḻai makaḷir mukiḻ mulai tiḷaippa um
{paṭṭi-297} ce cāntu citainta mārpiṉ oḷ pūṇ
{paṭṭi-298} arimā aṉṉa aṇaṅku uṭai tuppiṉ
{paṭṭi-299} tirumāvaḷavaṉ tevvarkku ōkkiya
{paṭṭi-300} vēliṉum veyya kāṉam avaṉ
{paṭṭi-301} kōliṉum taṇṇiya taṭam mel tōḷ ē